Բոլորս էլ մի քիչ ռոմանտիկ ենք: Թեստը թույլ է տալիս որոշել` որքանով և ինչպես է դրսևորվում մեր ռոմանտիզմը, և ինչպես կարող է այն օգնել կամ խանգարել մեզ առօրյա կյանքում:

Եթե տղամարդը սենյակում թափթփել է իր գուլպաները, ապա թափթփեք ճաշը խոհանոցում:

Եթե սեքսից հետո նա շրջվում է և խռռացնում, խռռացրեք սեքսի ժամանակ:

Եթե տղամարդուն դուր չեն գալիս ձեր հիմար ու տգեղ ընկերուհիները, ընկերացեք գեղեցիկ, խելացի և հարուստ տղաների հետ:

Եթե տղամարդը չի հավանում ձեր աշխատանքը, աշխատանքի ընդունվեք որպես մերկապարուհի. բոլոր տղամարդկանց դա դուր է գալիս:

Եթե տղամարդն անընդհատ նկատում է ձեր փոքրիկ թերությունները, մի նկատեք նրա փոքրիկ հպարտությունը:

Եթե տղամարդը չի բարձրանում բազմոցից, դուրս մի եկեք լոգարանից: Տեսնենք, թե ով է առաջինը հանձնվում:

Եթե տղամարդը ձեզ չի օգնում խոհանոցում, մի օգնեք նրան անկողնում. թող չարչարվի:

Եթե տղամարդը հրաժարվում է իր հետևից լվանալ ափսեները, ամեն ինչ հեշտ է՝ կերակրեք նրան խնձորներով:

Եթե տղամարդն անկողնում ձեզ ուրիշ անունով է դիմել, ասեք, որ նա չի գուշակել, և եզրափակիչ է դուրս գալիս այլ մասնակից:

Եթե տղամարդը երեկոյան զգեստի փոխարեն ամառային անվադող է գնել, խնջույքի գնացեք ամառային անվադողով:

Եթե տղամարդը հրաժարվում է պատշգամբում ծխելուց և ծխում է անկողնում, տեղափոխեք նրա անկողինը պատշգամբ:

Եթե տղամարդը մոռանում է վերանորոգել լոգարանի խողովակը, էրոտիկ խաղ նախապատրաստեք, որտեղ նա ջրմուղագործ է, և երբ նա վերանորոգի խողովակը, վճարեք և պառկեք քնելու:

Եթե տղամարդը սեքսի ժամանակ չի հանում գուլպաները, մի հանեք զուգագուլպաները:

Եթե տղամարդը հրաժարվում է խաղալ ձեր չիխուախուայի հետ, հրաժարվեք խաղալ նրա չիխուախուայի հետ:

Եթե տղամարդը մեղադրում է ձեզ, որ ձևացնում եք, թե օրգազմ եք ապրում, մի ձևացրեք. թող տանջվի:

Երբ մենք հանդիպում ենք մեր երկրորդ կեսին, շատ ուժեղ զգացումներ ենք ապրում: Մենք վստահ ենք, որ երջանկությունը հարատև է լինելու, որ ոչ ոք և ոչինչ երբեք չեն կարողանալու բաժանել երկու սիրող սրտերը: Սակայն երբեմն այդպես չի լինում: Գալիս է մի պահ, երբ զույգի միջև տարաձայնություններ են լինում, սկսվում են մեղադրանքներ, բողոքներ, որոնք բերում են վեճերի և հարաբերությունների խզման:

Հարաբերությունների զարգացման ցանկացած փուլին տղան և աղջիկը պետք է հիշեն, որ հարաբերությունները պետք է ուրախություն, հաճույք և ներդաշնակություն բերեն: Հարաբերությունները պետք է լինեն թեթև, անկեղծ, բնական և երջանկավետ: Եթե դրանք ի սկզբանե լավ չեն դասավորվում, դուք հարմարավետ չեք զգում այդ մարդու հետ, հանդիպումներից հաճույք չեք ստանում, ապա ավելի լավ է վերջ դնել հարաբերություններին վաղ շրջանում:

Սիրած մարդու հետ հարաբերությունները պահպանելու համար պետք է աշխատել դրանց վրա, այլ ոչ թե նստել և սպասել, թե երբ է ամեն բան լավ լինելու: Միշտ չէ, որ հարաբերություններում ծագած խնդիրներն իրենք իրենց լուծվում են: Այդ ժամանակ հարց է ծագում. ինչու՞ են զույգերը թողնում, որ հարաբերությունը սխալ հունով գնան, հետո տանջվում դրա համար: Չէ՞ որ շատ զույգեր կարող էին երջանիկ լինել, եթե իրենց հարաբերություններին մի փոքր ուշադրություն հատկացնեին:

Երբեմն անհանգստանալու առիթ չի լինում, սակայն հոգու խորքում ինչ-որ տարօրինակ զգացում է առաջանում, որ հարաբերությունները սկսում են փչանալ: Հանկարծ սկսում եք զայրույթ զգալ, ավելի շատ նկատում եք թերությունները, քան առավելությունները, ավելի քիչ եք շփվում, տանջվում եք կասկածներից, խանդում եք և սկսում ամեն մանրուքից վիճել: Ձեր հարաբերություններում իր տեղն է գտնում անվստահությունը:

Եթե վերոնշյալ «ախտանիշներից» թեկուզ մեկը կա ձեզ մոտ, ապա դա խոսում է նրա մասին, որ խնդիր իսկապես կա, և պետք է այն լուծել որքան հնարավոր է շուտ:

Ուրեմն ինչպե՞ս պահպանել հարաբերությունները սիրելիի հետ:

1.Առաջին հերթին երբեք մի լռեք: Եթե ձեզ ինչ-որ բան դուր չի գալիս հարաբերություններում, կարևոր է անկեղծ և հանգիստ խոսել դրա մասին, առանց հիստերիաների և վեճերի. այդպես ամեն ինչ ավելի վատ կլինի: Շատ կարևոր է պարզել, թե ինչն է խնդրի հիմքը, որպեսզի լուծումն էլ հեշտ գտնվի:

«Հարաբերություններում միայն սերը բավարար չէ. անհրաժեշտ է նաև հարգանք»: Ուստի սովորեք լսել ձեր սիրելիին, հարգել նրա հայացքներն ու հետաքրքրությունները:

Եթե սիրելին ուշացել է հանդիպումից և չի զգուշացրել, ապա հանդիպելիս մի վիճեք, այլ հասկացրեք, որ անհանգստացել եք, և խնդրեք, որ այլևս այդպես չանի: Դուք չեք ցանկանում կառավարել նրան, պարզապես շատ եք անհանգստանում նրա համար, ձեզ համար կարևոր է, որ մյուս անգամ ուշանալիս նա տեղյակ պահի ձեզ, զանգահարի և ասի, որ իր հետ ամեն ինչ լավ է: Իհարկե, նա նույնպես պետք է հաշվի նստի ձեր զգացմունքների հետ. չէ՞ որ հարաբերությունների պահպանման համար միայն մեկի ջանքերը բավարար չեն:

2. Մի թաքցրեք ձեր զգացմունքները: Խոսեք այն մասին, թե ինչ եք զգում, ինչն է ձեզ անհանգստացնում և ընդհակառակը՝ ուրախացնում. դա կօգնի ավելի լավ հասկանալ միմյանց: Մի ստեք, ասեք միայն ճշմարտությունը, ոչինչ մի թաքցրեք միմյանցից: Վստահեք ձեր սիրելիին, երբեք մի խառնեք ձեր ընկերներին կամ հարազատներին ձեր վեճերի մեջ: Այո, նրանք կարող են ձեզ հասկանալ, հուսադրել, լսել, բայց չեն կարող ձեր փոխարեն լուծել ձեր խնդիրները:

3. Պետք չէ համակերպվել սիրելիի թերությունների հետ, բայց հիշեք, որ իդեալական մարդիկ չեն լինում: Մի խելացի մարդ մի անգամ ասել է, որ մարդու հետ կյանք կապելիս պետք չէ մտածել, որ մարդը կփոխվի, թերությունները կշտկվեն. պետք է մտածել ու հասկանալ, թե արդյոք պատրաստ եք ապրել մարդու հետ, եթե նա երբեք էլ չփոխվի, նույն թերություններով և առավելություններով լինի: Եթե ձեզ ինչ-որ բան դուր չի գալիս, զրուցեք ձեր սիրելիի հետ, թող նա բացատրի, թե ինչու է ինչ-որ բան այսպես կամ այնպես անում: Միայն այդպես կարող եք համաձայնության գալ:

4. Դուք պետք է մի թիմ լինեք, սովորեք լսել ձեր սիրելիին: Կարող եք ընդհանուր հետաքրքրություններ կամ զբաղմունքներ ստեղծել, օրինակ` միասին որևէ սպորտով զբաղվեք կամ արշավների գնաք:

5. Որպեսզի հարաբերությունները ձեզ ուրախություն և հաճույք պատճառեն, սովորեք ավելի խորն ուսումնասիրել միմյանց և հետաքրքրվել միմյանցով: Սկզբի համար ուսումնասիրեք տղամարդու և կնոջ միջև տարբերությունները, սովորեք հետաքրքրվել միմյանց սպասումներով և ցանկություններով:

Թվարկենք փոքրիկ, սակայն շատ կարևոր կետերը, որոնք կօգնեն հիանալի հարաբերություններ պահպանել.

6. Մի մոռացեք ձեր սիրելիի գերակայությունների մասին, սովորեք հարգել դրանք և հաշվի նստել դրանց հետ:

7. Աշխատեք տեղյակ լինել սիրելիի օրվա ռեժիմից, որպեսզի հանկարծ չորոշեք զանգել նրան և պատմել ձեր զգացմունքների մասին, երբ նա ընտանեկան ընթրիքի է կամ քննության:

8. Հարցրեք, թե ինչ տրամադրություն ունի և ինչպես է իրեն զգում, չէ՞ որ բոլորիս էլ հաճելի է, երբ մեր մասին հոգ են տանում:

9. Սովորեք գուշակել նրա տրամադրությունը, որպեսզի կարողանաք ճիշտ ժամանակին սփոփել նրան կամ կիսել ուրախությունը:

10. Լավ ունկնդիր եղեք, սովորեք լսել նրան և հարկ եղած պահին ճիշտ խորհուրդ տալ:

11. Քնքուշ եղեք. հպումներն ու գրկախառնությունները մեծ դեր ունեն:

12. Սովորեք ներել և հաշվել մինչև 10-ը, երբ զգում եք, որ զայրանում եք:

13. Աշխատեք զվարճացնել սիրելիին և միշտ լավ տրամադրություն ունենալ, մի փոխանցեք ձեր վատ լիցքերը սիրելիին:

14. Մի թաքցրեք ձեր վախերը, անհանգստություններն ու հույսերը, կիսվեք դրանցով:

15. Կարողացեք ներողություն խնդրել, եթե սխալ եք:

Վերջում կցանկանանք ասել նրանց, ովքեր դեռ չեն գտել իրենց երկրորդ կեսին, որ չհուսահատվեն, այլ շարունակեն փնտրել՝ չկորցնելով իրենց դեմքն ու ինքնատիպությունը: Իսկ նրանց, ովքեր արդեն սիրելի ունեն, զարգացնել և ամրապնդել հարաբերությունները և պահպանել աշխարհի ամենակարևոր զգացմունքը՝ սերը:

Անկողին հասնելով` մենք հարմար տեղավորվում ենք, որպեսզի արագ քուն մտնենք: Պարզվում է` մեր քնելու դիրքը շատ բան է ասում մեր մասին: Կարճ ասած` քնած մարդու դիրքը նրա բնավորության մասին գիշերային պատմություն է:

Օրինակ` երկար տարիների հետազոտություններից հետո հոգեբանները եկել են այն եզրակացության, որ եթե քնած ժամանակ կինը թեքվում է դեպի ամուսինը, ապա նա ենթագիտակցորեն հնազանդվում է նրան: Եթե հակառակն է, ապա դա խոսում է զույգի վատ փոխհարաբերության մասին:

Գոյություն ունի դիրքերի հատուկ դասակարգում, որոնցից յուրաքանչյուրը պատմում է այն ընտրող մարդու բնավորության մասին:

Էմբրիոնի դիրք

Մարդը քնում է կողքի վրա, ոտքերը ծալված են ծնկներում և ուղղված են դեպի ծնոտը: Այս դիրքը շատ հետաքրքիր տեղեկություն է տալիս մարդու մասին: Իրական կյանքում այդ մարդը չի հասցրել մինչև վերջ բացվել: Նա անվստահ է, ենթակա է սթրեսերի: Նա ցանկանում է մեկուսանալ արտաքին աշխարհից: Որպես կանոն` նման մարդը փնտրում է ուժեղ հովանավորի, ում մեջքի հետևում կկարողանա պաշտպանություն գտնել: Նա ինչ-որ տեղ երեխայի է հիշեցնում, ում արարքներն անկանխատեսելի են և կախված են րոպեական տրամադրությունից:

Կիսաէմբրիոնի դիրք

Այս դիրքը հիշեցնում է նախորդին, սակայն այն տարբերությամբ, որ քնածի ծնկները մի փոքր սեղմված են: Նման դիրքում քնող մարդիկ հանգիստ են, հավասարակշռված, և նրանց վրա կարելի է հույս դնել: Նրանք կոնֆլիկտային չեն, միշտ ձգտում են գտնել խելամիտ լուծումներ և հեշտությամբ հարմարվում են ցանկացած պայմաններում: Սակայն նման մարդիկ հաճախ չեն գտնում բավարար համարձակություն անձնական նպատակներին հասնելու համար:

Թագավորական դիրք

Մարդը քնած է մեջքի վրա` տարածելով ոտքերն ու ձեռքերը: Սա ինքնավստահ մարդ է: Առաջնորդ է ամեն ինչում, խելամիտ է և միշտ պատրաստ է ցանկացած իրավիճակից դուրս գալ: Նման մարդը միշտ ազատ է շփման մեջ, նրան սիրում են և գնահատում ցանկացած միջավայրում: Նա վայելում է կյանքն իր բոլոր դրսևորումներով:

Բացված դիրք` փորի վրա

Փորի վրա քնող մարդիկ ունեն իրենց հատուկ առանձնահատկությունները: Նրանք չեն սիրում կյանքի անսպասելիությունները, սիրում են ամեն ինչ կանոնավորել: Նրանք շատ ճշտապահ են, սակայն նույնը պահանջում են շրջապատից: Նրանց համար կարևոր է ամեն մանրամասնություն, նրանք կարող են շատ բծախնդիր լինել:

Մումիայի դիրք

Մարդ քնում է` վերմակը գլխին քաշած: Սովորաբար նման մարդիկ կյանքում փորձում են միշտ գաղտնիքներ պահել: Նրանք շատ ամաչկոտ են, կարող են նաև վանել, փորձում են մեկուսանալ շրջապատից: Նրանք սիրում են մի անկյուն գտնել ու այնտեղ մնալ, մինչև ամպրոպն անցնի:

Դիրք «տնակ»

Քնածը պառկած է մեջքի վրա ծալած ծնկներով: Այս դիրքը հիշեցնում է «թագավորական» դիրքը, սակայն բարձրացված ծնկները շատ բան են փոխում: Որպես կանոն` նման դիրքում սիրում են քնել տղամարդիկ: Արտաքուստ նրանք շատ ընկերասեր են, անմիջական, սակայն դա ընդամենը դիմակ է: Իրականում նման մարդիկ բավականին ինքնամփոփ են, չխոսկան: Նրանք նախընտրում են քիչ խոսել, շատ լսել: Երբեմն նրանց հետ շատ դժվար է լինում շփվել, որովհետև նրանք նախընտրում են չարտահայտել իրենց տեսակետը և խորհուրդներ չտալ:

Մենք` աղջիկներս, այնքան լավն ենք, այնքան քնքուշ, նուրբ, գեղեցիկ, երբեմն հիմարիկ, բայց միշտ սիրո և ուշադրության կարիք ունեցող: Մեզ պետք է սիրել, հարգել, փայփայել, անակնկալներ մատուցել, մտածել մեր մասին ամեն վայրկյան: Մենք` աղջիկներս, այս մեծ մոլորակը զարդարում ենք մեր գեղեցկությամբ ու քնքշությամբ: Իսկ տղաները հիանում են մեզնով ու ամեն կերպ փորձում են արժանանալ մեր հավանությանը: Իսկական լեդի դառնալը դժվար, սակայն լրիվ հնարավոր բան է: Ահա մի քանի կանոններ, որոնք կօգնեն քեզ:

♥ Առաջին պատվիրանը. մոռացիր թերություններիդ մասին: Մտածիր միայն առավելություններիդ մասին:

♥ Վստահ եղիր ինքդ քեզ վրա: Աշխատիր որքան հնարավոր է շատ դրական էմոցիա արձակել:

♥ Նպատակասլաց եղիր: Նպատակ դիր ու հասիր դրան:

♥ Մի վախեցիր փոփոխություններից: Բազմակողմանի եղիր, փորձիր, փնտրիր ինքդ քեզ:

♥ Զարգացրու տաղանդներդ: Տաղանդավոր աղջիկները հիասքանչ են:

♥ Խաղա: Ինքդ քո մասին ֆիլմ նկարիր, փորձիր տարբեր դերեր: Միշտ անկանխատեսելի եղիր:

♥ Աշխատասեր եղիր: Մի ալարիր և ևս մի արժանիք կունենաս: Ինքդ քեզ ավելի շատ կհարգես:

♥ Գնահատիր ժամանակը: Այն ամեն հիմարության վրա մի վատնիր: Ժամանակն օգուտով օգտագործիր:

♥ Հարգիր ծնողներիդ, վստահիր նրանց: Եվ հիշիր` մայրիկդ քո ամենալավ ընկերուհին է:

♥ Մի վիրավորիր մարդկանց: Դու դրա իրավունքը չունես: Մեծամտությունը վանում է:

♥ Շատ կարդա: Հետաքրքիր մարդու հետ ցանկանում են շփվել:

♥ Մի նախանձիր: Ուրախացիր նրանով, ինչ ունես:

♥ Հիշիր հումորի մասին և մի վախեցիր ինքդ քո վրա ծիծաղելուց:

♥ Ընկեր եղիր: Թույլ մի տուր, որ քեզ հարազատ մարդկանց մասին վատ խոսեն: Մարդիկ դա գնահատում են:

♥ Մի ստիր: Դա կազատի անհարմար իրավիճակներից:

♥ Մի խոստացիր, եթե վստահ չես:

♥ Մի արա այն, ինչի համար ստիպված ես լինելու արդարանալ:

♥ Կարողացիր լսել: Հարգիր դիմացինի կարծիքը: Մի պարտադրիր քո սեփականը:

♥ Սիրիր: Մարդկանց նկատմամբ բարի եղիր: Բայց միամիտ մի եղիր:

♥ Մի վախեցիր դժվարություններից: Փորձությունները մեզ ուժեղ են դարձնում:

♥ Վարվիր այնպես, ինչպես ճիշտ ես գտնում: Սեփական կարծիք չունենալն ամոթ է:

♥ Մի լռիր: Համարձակ արտահայտիր տեսակետդ: Եվ մարդիկ կհարգեն քեզ:

♥ Նախաձեռնող եղիր: Եվ քեզ կհիշեն:

♥ Ճշտապահ եղիր: Մի ստիպիր քեզ 5 րոպեից ավել սպասել:

♥ Ձգտիր նորություններից տեղյակ լինել:

♥ Նրբազգաց եղիր: Մի մերժիր, երբ խնդրում են օգնել: Քեզ շնորհակալ կլինեն:

♥ Շտապ եզրակացություններ մի արա: Մարդկանց ևս մի շանս տուր:

♥ Խուսափիր վեճերից և կոմֆլիկտներից: Փորձիր պայթյունավտանգ իրավիճակը կատակի վերածել:

♥ Համարձակ առաջին քայլն արա: Ռիսկի դիմիր, բայց միայն այն ժամանակ, երբ ռիսկդ հիմնավորված է:

♥ Քո մասին քիչ խոսիր: Թող մարդիկ իրենք հարցնեն:

♥ Մի արտասվիր: Աղջիկները կարծում են, թե այդ հնարքով կարող են տղաներին հուզել: Իրականում հակառակն է:

♥ Ձայնդ մի բարձրացրու:

♥ Գովաբանիր: Մարդկանց հաճոյախոսություններ արա: Բայց միայն անկեղծ:

♥ Կիսիր քեզ թանկ մարդու հետաքրքրությունները: Նա քեզ ավելի շատ կսիրի:

♥ Առաջին ժամադրության ընթացքում ամեն ինչ միանգամից մի պատմիր: Մի փոքրիկ հանելուկ թող:

♥ Նվերներ արա: Ընկերներին և ծանոթներին: Փոքրիկ և անգամ հենդմեյդ: Հենց այնպես:

♥ Սովորիր տղաների հետ իրենց լեզվով խոսել և հասկանալ նրանց կատակները: Դա կարևոր է:

♥ Նյարդային շարժումներ մի արա. մի ճմռթիր անձեռոցիկը, մի ճտճտացրու մատներդ, մի թափահարիր ոտքերդ: Այդպիսի շարժումները սարսափելի են:

♥ Հասարակ եղիր: Լուն ուղտ մի դարձրու:

♥ Քիչ նստիր տանը: Ուսումնասիրիր աշխարհը: Եվ կիսվիր բացահայտումներովդ ընկերներիդ հետ:

♥ Հիշիր բոլորի ծննդյան օրերը: Եվ միշտ շնորհավորիր նրանց:

♥ Էմոցիոնալ եղիր: Էմոցիաներդ քեզ մի պահիր: Համարձակորեն արտահայտիր դրանք: Բայց թատրոն մի սարքիր:

♥ Ձգտիր շատ շփվել քեզ հաճելի մարդկանց հետ:

♥ Սովորիր էթիկայի պարզագույն կանոնները: Դրանք դեռ ոչ մեկին չեն խանգարել:

♥ Մի ամաչիր սեփական թուլություններից: Երբեմն քեզ կամակորություններ թույլ տուր: Բայց հիշիր` ամեն ինչ չափի մեջ է գեղեցիկ:

♥ Կարողացիր արժանապատվորեն պարտվել: Դա հեշտ արվեստ չէ:

♥ Քո, ընտանիքիդ, նախկին ընկերներիդ ու բոյֆրենդներիդ մասին վատ մի խոսիր:

♥ Կեր: Ախորժակով ու գեղեցիկ: Դիետա, սննդակարգ բառերը նյարդայնացնում են:

♥ Սիրիր մարմինդ: Դրանից երկու հատ չես ունենալու: Շատ ժամանակ անցկացրու մաքուր օդին, շատ շարժվիր:

♥ Փնտրիր քո սեփական ոճը: Մի ընդօրինակիր մյուսներին: Միայն հիմարը կարող է հպարտանալ, որ իր սիրած աղջիկն ինչ-որ մեկին նման է:

♥ Մինիմում շպար: Հատկապես դիմափոշի և տարատեսակ կրեմներ, չէ՞ որ տղաներն ատում են դրանք:

♥ Քայլվածքը շատ կարևոր է: Մի կուզիկացիր, մի իջացրու կզակը, ուղիղ նայիր:

♥ Սովորիր բարձրակրունկ կոշիկներ կրել: Դրանց վրա ծռմռատվելով քայլելով տղաներին չես գրավի:

♥ Առավոտը սկսիր հայելու մեջ ինքդ քեզ ժպտալով: Գովիր ինքդ քեզ:

♥ Քնելիս հաճելի բաների մասին մտածիր: Արթնանալիս լավ տրամադրություն կունենաս:

♥ Հաճախ ժպտա: Թող բոլորը տեսնեն, որ երջանիկ ես:

♥ Պետք չի անընդհատ մտածել, թե կողքից ինչ տեսք ունես: Հանգստացիր և վայելիր:

♥ Մի փորձիր բոլորին գոհացնել:

♥ Հավատա հրաշքներին: Դրանք պատահում են նրանց կյանքում, ով հավատում է:

♥ Եղիր այնպիսին, ինչպիսին կաս: Խելացի: Գեղեցիկ: Դաստիարակված: Սիրող: Երջանիկ: